《Surrogates, 2009》- 人與人

 唔見一排的Bruce Wills而家出返來, 呢套起初聽中文名《偽能叛變》還以為和Will Smith的《智能叛變》是動作類娛樂電影, 看完後完全是另一回事, 是套值得我們深思的電影.唔講唔知原來呢套《surrogates》係漫畫改編的.
  科技的進步令我們的溝通疏離,就好像Bruce Wills 同他的老婆, 佢老婆因車禍而毀容及失去兒子, 不想面對其他人而活在機械人中, 之後同老公的關係愈來愈疏離,連對話也機乎沒有,Bruce 很想見回自己真正的老婆, 但她唔想比人睇到佢毀容的樣子, 她用一個完美的樣子的機械人來工作. 係街上, 各人有各人的工作, 沒有人溝通, 直行直過, 冇任何表情, 片中有幾幕都有機械人笑的, 但笑出來都係好假, 唔真實, 全片佢地只有工作, 完全冇傾過工作以外的話題,  人生簡直是苦悶. 正如Bruce 係屋企暈左, 佢老婆送佢去醫院, Bruce醒左, 佢老婆都只係面無表情咁問佢有冇事, 完全感覺唔到有關心的成份.溝通是人類最重要的東西其中之一, 冇溝通, 人類就冇歡樂, 不能增進彼此之間的友誼. 彼此之間的距離更遠.

  科技令人們更不了解對方, 一開始的命案, 死者係一位很美的女人和生得很英俊的男人, 而正正那個女人的真正身份就是一個大肥佬. "先知"的真正身份是older Canter, 我們唔知邊個係真, 邊個係假. 冇可能認識真正的朋友, 冇真正的友誼, 因為眼前的事物都是假象. 你會漸漸不相信眼前的境象, 以及其他人對你說的話, 開始愈來愈困惑. 唔知點算好. 正如這幾十年科技的進步,我們很易就可以係網上識到更多的"朋友", 但這些朋友說的話是真是假? 有些無知的人係網上識到以為係真正的"友誼", 約佢出來見面, 點知受害的都係自己.

  科技濫用, older Canter製造機械人的原意是想令冇自信的人勇敢地走出來, 令傷殘的人更方便, 原本諗住係造福人群, 點知人類過份濫用導致現今的後果, 最諷刺就係"創造者"創造出來, 而家要摧毀他們, 人類過份的濫用歪曲了原本的用意, 只有少部分人醒覺.科技能令人類更進步, 但也有壞處, 每一樣野都係好與壞, 要係中間取得平衡才是最難之處.
  雖然這片的含意很好, 一開場就已經入正題, 但係短短的89 min 內感受唔到緊湊的感覺, 動作場面話多唔多, 話少唔少, 每場動作場面很快就完左, 吊住吊住咁, 劇情不是十分突出, 只是一開頭給了個懸疑的問題比觀眾, 但係突顯唔到懸疑感, 最驚訝的是"先知"原來係機械人來, 係older Canter 扮的.